من التسعه نايم حبيبي من التسعه نايـــــم
اشـ جرالي اشـ صار بيه محترك مهموم بتت ذيج الليلــــه صايم
اشـ عليك من التسعه نايـــــــــــــــــم
هنيالك نمت مرتاح وانه مثل الفكد عكله وبقى بلا عكل هايم
لو مثل اليكص شريان كلبه ويظل بلومة اللايــم
لو مثل الفكد بلامته وبقى فوك الماي عايــــــم
وانت هنيالك حبيبي من التسعه نايــــــــــــــــــم
نايــــــــــــم نومك عوافي واحلامــك سعيده
ع سنك لا سهر مـرك ويصير الك كلشي التريـده
وعسى ربنا يسعـــدك ذاك الدبر احــرار ه وعبيده
وعسى كـل امنيه ابالك اتصير الك مكتوبه واكيــده
وعسى مابقه بعمري على عمرك ايجمله انوب ويزيده
وانا اعرفك من تقرأ اشعاري جن تقرأ حقل الوفيات بجريده
يلاكن الذنب مـو ذنبي ذنب الــروح ملهوفه وعنيده
تتصورك مثل الطفل بالعيد لمه يقـدم اخديــــده
لوتتصورك تكعد وغنيلك غنى عشاك تنتشي وتكلي عيده
مو مثل صياد متنومس صــــــادله صيــده
يلاكن ارجع وصبر الروح اكول الزعل مو دايــم
ولا يبقى السما مطار ولايبقى السما غائــــم
ولايبقى شخص مظلوم يتامل رحمة الظالــم
وانه ارجع وأكلك هنيالك حبيبي من التسعه نايــم
بقلمي( معناها في قلبي
)
_________
موضوع: من التسعه نااااااااااااااااااااااايم 
الثلاثاء يونيو 16, 2009 5:43 pm
