زماني كل عدل وانصاف
ولى الحك يصير ارباع وانصاف
دخلي نطبك انه وياك وانصف
روح بروح نبقى سويه
***********************
يبو طول الحلو يلعسل شفتك
في غرامك شبك انه وشفتك
طحت وتسودنت من يوم شفتك
وكمت ازحف زحف باثنين اديه
*******************************
باكه مني جمالك حيل ياسمر سرق قلبي باكه مني
وصرتلك ورد بس خذ باكه مني
صرت كلي الك ماضل باكي مني
الك كلي ولاضل مني اليه
********************************
تهت مابين سكتنا وسكته
الهجرني بضيم رجعته وسكته
سكت العمر خلصتها بس نظرة وسكته
وسكتت وردت عيونك عليه
*********************************
وحك الهادي ابو الزهرة والاملاك
الكلب حباك ماعافك ولا ملاك
غيرك ماملك كلبي ولا ملاك
بس انت اصبحت ملاك بيه
*******************************
جمالك حيل ياسمر خبلاني
ابتليت وبلوة حبك خبلاني
انجنيت بجمالك مخبل اني
انت شبيك هم مجنون بيه
**********************************
يروحي ماله جاره ولا حل
وطحت لا كالي اسم الله ولا حل
حبيبي لاكرب يوم ولاحل
يحل العيد اذا بين عليه
*******************************
اله الكون يامدرك يمهلك
وكالو كون اليحبك يمهلك
انه تمنيت بيت اهلي يم اهلك
وكلبي وكلبك يصيرن سويه
*****************************
انه بيت المودة وانت ركني
جدم غيرك خطاني وان تركني
اذا عافاني كلبك وان تركني
عدله ادفنها روحي بذني اديه
**************************
وشـــبــــــاج
صرت صياد لعيونك وشباج
وكلبي بيه بس فتحه وشباج
مثل كومة حطب واشبج
واحركج واحرك العرفج بيه
******************************
الوكت ما يوم مني حيراني
السطرني بس جمالك حيراني
اموت ويمر شخصك حيراني
بنظر عينك ترد الرووح اليه
*****************************
الكلب مايحب غيرك ابد حبلك
وماي العين اذا عطشان حب لك
اديه جتفها الي والكلب حبلك
افل ايدي والكلب شيفله اليه
********************************
اريد اسال كلبي شخذ وشراااد
ليش بغفله عني ابتعد وشرد
لونك تدري كلبي شطلب وشرااد
يريد يصير الك وتصير اليه
**********************************
السبب مو بالي تدرس بل بستها
وعطر جوري اشمها بل بستها
دكلي مابستها بل بستها
وبوستها لهسه تبووس بيه
***************************
الدمع يفرك بخدي ودلك
ومشيت وياي ماتدري ودي الك
ياهو الجابك لكلبي ودلك
تهد بس روحي الي ادور عليه
تحيااتي الحاارة
موضوع: ابو ذيات فلكريه عراقيه (يرجى التثبيت) 
الثلاثاء يونيو 16, 2009 5:30 pm
